Facebook Badge
من أنا
- زيان وزيري
- أخبرني أحدهم أني مقطوع من شجرة ليس لي لسان ليس لي قلم ليس لي قلب يحزن
كتابي الأول
أفكاري
أفكار النجوم
مدن الأفكار
حسابي علي الفيسبوك
بحث عن فكرة أخري
ما أعرفشي أنا طول عمري حساب
لا أعرف أجمع واحد زائد واحد
ولا حتى إتنين
ما اعرفشي منين
زي الواحد مرسوم عالحيط
ماشي جوه الحيط
متغطي بطوب الحيط
متعشي بسوس الحيط
زيّك
زييّ
زى الواحد
ما لوهشي لا صفر يمين
ولا حتى شمال
محروم من شرب همومي
أو دفنه كريمة لأحزاني
زيّك
زييّ
زي النسر الواقف خايف فوق
زي القلب الساكت من دخاني وخايف من وقت النوم
زيّك زييّ
زي الفقر النابع من جوه الجوع
زي الرمز الحاجز وقت الصمت لحب غريب
زيّك زييّ
زي الرافض إنه يغني بلادي ويسمع صوت التعبان من كتر النوم
أنا مش هاغني أحبك علشان ينفع
أنا مش هاقولك انا الغلبان قدام بيبان قصرك
أنا مش هاقولك صباح "الفول" علي عيونك
أن مش هارقص فوق جزوعك
أنا مش هموت في لون خدودك
أصل أنا واحد عادي
زيّك برضه ميت وانا ماشي
باكل وأنا نايم
بحلم وانا نايم
بغني بأعلي صوتي زيك وأنا نايم
بقولك لأه وأنا نايم
زيّك يا صاحبي وزيّه و زييّ
زيّ الشعب الواقف فوق السطر
ماسك ورقة بلون العجز الكامن جوه شهادة جامعة تقوله
طريقك ورا واحد تاني
مش زييّ وزيّك
لأ
زي الواحد ماسك ورقة بلون الوضع الراهن
زي القدس أتقول فيه واحد راجع تاني؟
مش زييّ ولا زيّك و لا زيّه
...............
الاشتراك في:
تعليقات الرسالة (Atom)
4 التعليقات:
اممم حلوة
الأربعاء, يونيو 10, 2009زيها زي الشعر الجميل
اقتباس
الجمعة, يوليو 17, 2009زيّ الشعب الواقف فوق السطر
ماسك ورقة بلون العجز الكامن جوه شهادة جامعة تقوله
طريقك ورا واحد تاني
....
و آه
الصديقه الروائية نهي محمود
الخميس, يوليو 23, 2009و يمكن "زيها زيي"
نورتي مدونتي المتواضعه
أسماء علي
الخميس, يوليو 23, 2009شكرا لمرورك و فعلاً "آه و آه"
تحياتي و أهلا بك
إرسال تعليق